Ahlulbayt Poetry

Ali ka naam zamanat hy kamyabi ka! Ali k piyar se jannat zaroor milti hy!
Ali k bughz may kuch or milay ya na milay! Magar ye tay hy k laanat zaroor milti hy
                                         -----------------------
Jo mushkilat mein himmat se kaam lete hain
wo gaam gaam pe haider(a.s)ka naam lete hain .
bhool jaate hain gham azizo'n ka
jab bahattar(72) ka naam lete hain.
Sabre Ayyaub Se Wasi kya hai,
Sabre SARWAR ka Naam lete hain.
Ghame Hussain(a.s) jinhe bhi Naseeb Hota hai,
Wo Rote Rote Muqaddar Sawar leta Hain.
Wo Nahi Marte Ba khuda HASNAIN
Jo Ahlebayt(a.s) ke Daman Ko thaam Lete Hain.
------------------------------------------------------------------------------------------


jisay ALI(a.s)ki wilayat ka etaraf nahi, wo lakh sajday karay ye Gunha mauf nahi,
dilon may bogz-e-ALI(a.s)or badan pe hajh ka libaas , tere naseeb k chakkar hain ye tawaf nah.

Agar Na tazkerae Karbala kare koi
to kaise Ajre Resalat Ada kare koi
Mohibb e Aale Nabi gar nahi to kuch bhi Nahi
Fizool Sari Ebadat ,Ada Kare koi
Namaz Padh Rukhe MASHRIQ bajae MAGHRIB ke,
Ali(a.s)ki Jaae Weladat Agar Pasand Nahi..

Kaun Kehta Hai ke Shaiytaan Ka Mazhab Hi Nahi?
Har Fasadaat ke Piche Chipi Kahani Hai!
Naam Islam Ka Lekar Jo Machaey Dehshatt,
Wo Musalmaan Nahi Hai Abu Sufyani(l.a) Hai.

Hum Apne Dil mein Ghame Karbala Basate Hain
Zaba'n pe Zikre Shahe Karbala Sajate Hain
Lutaya Jisnae Bhare Ghar Ko Rahe Khaliq Mein
Unhi Ki Yaad Mein Farshe Aza Bichate Hain.
Wo Khaak Jisme Shefa di HUSSAIN(a.s)key khoon ne
Mayaane Sajda Usi par Jabi'n Jhukate Hain
----------------------------------------------
Quraan jisko tera hawaala nahi mila, Aankhe to mil gayi hai ujaala nahi mila,
Farshe zamee'n pe bolnewale bahot mile, Nok-e-Sina pe bolnewala nahi mila.


---------------------------------------

ALI k Ishq Main Aisa Kamaal kar Don Ga,
Kharab Ho Jo Tabiat Bahal kar Don Ga,
Laga k Nara-e-HAIDER Har ek Basti Mein,
Munafiqeen ka Jeena Muhal kar Don Ga...
                         ---------------------------------


Hazrat abu talib(a.s)
Iske Kalaam se hi Risaalat Kaleem he,

Iska Wajood Husn e Alif Laam Meem he,

Khud Soch Yeh Rasool Par Kitna Kareem he,

Had he k Yeh na ho to Muhammad (s.a.w.w) Yateem he

-----------------------------------------

*Zaatey wajib Tera Ehsan hen ABU-TAlib

Frsh pr Arsh k Insan hain ABU-TALiB

Hain NABi ör ALi Natiq-e Quran Agr

Ba-Khuda 2no ka juzdan hen ABU-TALiB
--------------------------------------------

*iMRAN a.s k Eman ki Tanveer k SadQay
Tanveer Me WAL-FAJR ki Tafseer k SadQay
Tafseer Me konain ki TaQdeer k SadQay
TaQdeer Me YA-SEEN ki Tehreer k SadQay
YA-SEEN ki Tehreer Me iSrar-e JALi* hen
Goya ABU-TALiB a.s Se MUHAMMED_savw hen ALi a.s hain

---------------------------------------
Jo dawa tumhara hay wo amlan bhi dikhao,
ao zara sunnat kay taqazay bhi nibhao,
SARWAR(S.A.W.W) kay NIKAH KHWAN ko mano tum musalman,
ya tum bhi nikah phir kisi kafir say parhao.
(Hashmat raza behlol)

--------------------------------------------------


Mumkin Hi Nahi Hashar Talk DEEN E PAYAMBAR,
KABAY K NIGEHBAN Ka Ehsan Bhula Dy,
Bhikri Hai Ye AWAZ-E-JIBREEL Fiza Mae,
ISLAM Ko Kehna ABU TALIB (A.S) Ko Dua Dy,
-----------------------------------------
Ezzat ABU TALiB Say Shorat ABU TALiB Say
HUM Laey Hen Likhwa Kr Qismat ABU TALiB Se

Wo Jis Liye Kartay Hen Nafrat ABU TALiB Se
HUM Ko Hay Ussi Ba'es ULfat ABU TALiB Se
Jaa'n Apni ChaLi Jaey Bach Jaey MUHAMAD Ke
Aa'e Hy Ye HAiDER Main Aadat ABU TALiB Se


SARWAR K Muhafiz Thay Aur WaLid HAiDER K
Rakhti Hy Aadawat Yun UMMAT ABU TALiB Se


Jo AQD KHADiJA Aur SARWAR Ka Pharaya Tha
Khutba Ke Woe Jari Sunnat ABU TALiB Say


Laita Raha Wo BadLa AuLad'e PAYAMBER Se
Hoti Rahi Jis Jis Ko Khiffat ABU TALiB Se
--------------------------------------------------
Aankhoon mei jagta hai sada Gham HUSSAIN(a.s) ka,
Seenay mei Saans laita hai Matam
HUSSAIN(a.s) ka.
Matti mei mil gaye hain iraday yazeed k.
Lehra raha hai aj b Parcham HUSSAIN(a.s) ka

------------------------------------------
HERDAM LABON PE AALE PAYAMMBER KA NAM HAI
,JAISI HAMARI SUBHU HAI WAISI HI SHAM HAI.
APNE HER IMAM PER BHEJON NA Q SALAM,
APNA TO HER IMAM ALEHISSALAM HAI
(tavee abbas)

---------------------
KAUN IMAMAT KA DAWA KARE
KAUN FAQE PE FAQA KARE
KAUN ALI KI KARE HAMSARI
KAUN MURDO KO ZINDA KARE
NAM KHALLAQE AALAM KA HO,KAAM SUB MERA MOULA KARE
 
 
 
Mursal ki tarha Sayyed e Abraar Hain ALi
Dono Jahan K Maliko Mukhtar Hain ALI

Paida Hue To Kaab e Ko Kaaba Bana diya
Wo Kibriya k 1 hi Shahkaar Hain ALi

Deen e Khuda pe Harf Bhala Aaye Kis liye
Mursal Hain Dhhaal,Deen ki Talwaar Hain Ali

Haqdaar hain Alam k Wo Khaibar ki Jung Mein
Karrar Hain, jo Mard hain,Jarrar Hain ALI

Pathhar pe nasb Kyun na alam ko kareinge Wo
Kaunan e Kibriya k jo mEy'maar hain ALi

MArhab Ko Apni MAut Nazar aai Saamne
Jisdam Suna k haider e Karrar hain ALI

Naslo'n ko dekh kr wo Chalate Hain Zulfeqaar
Salboo'n ko Parakhle jo,Wo Fankaar Hain ALI

Kaunain Pe Na KAise Hakumat Kareinge YE?
Khilaqat Mein Iski Haqq k madadGaar Hain Ali

Kaise Na Inka Takhte Khilafat Pa Haq Kahun?
Baade Rasool(s.a) Waris o Haqdar Hain ALI

Thokar Se kyun Na Murde Ko Zinda Kiya Karein
Marziy e kibriya k Kharidar Hain ALI

Mumkin Nahi Wo Qafila Bhatke Idhar Udhar
jis Qafile k Qafila Salaar HAin ALi

Munkir Nakir Ussey Bhala Poochte bhi Kya?
Jiske liye Lahad me Maddadgaar Hain ALI/

Kaise muneer Jaise kisi aur Dar Pa Jae
Bas AAp se Jaza K TlabGAr Hain ALI(a.s)

--------------------------------------------
*

dil mein noor e wilaye HAIDERa.s hai
Haath mein daman e Payhambar(a)hai
dil mein shauqe ziyarate Shabbar(a)
aankh mein Karbala ka manazar hai
Badh ke boli ye haybat e ABBAS_a.s
Asadaullah Ka ye dilbar hai
fauj e ada Mein ghul hua 1 baar
Khud MOHAMMAD(s.a)hain Ya k akbar(a)hai
hur Ki Baali Pe Ye Kaha Shah Ne
Baaghe Rizwan tera muqaddar hai.
Saamne Lahre Le Rahi Hai Furaat
Zalimon Pyaasa ibn e HAIDER Hai.
MunQalab jisne Kar diya Lashkar
Karbala ka Mujahid asghar Hai
Aye faza Ashaq e Gham hain aankho mein
Daaghe matam Humare Dil per Hai.
(janab haider Hussain Faza)
------------------------------------
*Jahan pe bu-jehal ka Chalan ho,Wahin jehalat ki Baat Hogi
wahin Sukhan Ilm ka milega,jahan MOHAMMAD(s.a)ki Zaat Hogi.


Ye Apna Apna Raha muqaddar,kisi ka isme qasoor kya hai
Kahin Hidayat ki Subha hogi,kahin pe Zulmat ki Shaam Hogi


Jo Silsila Imtehaa'n Ka Hai,Wo jaake Jannat pe Khatam hoga
Abhi to barzakh Ki Manzilein Hain,Na jane Kaise Nijaat Hogi.


Yahan pe Aake Zamane Walon,usoool e Maut o hayat Sikho
Ye Fiqh e SADIQ(a)ka Madrsa Hai,Yahan Shariyat Ki Baat Hogi.
(maulana Sarfaraz Raza sahab.)
-----------------------------------------------------------


YAAD E MASOOM(a.s)
Gul wo Laya Hoon Aqidat ke Barae MASOOM(a)
Jinki Khushbu mein hai khushbue Wila e Masoom.


Meri awqat hai kya meri haqiqat kya hai
mera alllah bhi karta hai sanae masoom(a.s)


Gauhar e Middhate Masoom Mitane Walo'n
Iski Qimat diya karta hai Khuda e Masoom


Kardiya doobte suraj ne palat kar saabit
Marziye Haq bhi Hai Pabade Reza e Masoom(a)


Deke Fitrus ko Kabhi par Kabhi rahib ko pesar
Rang dikhlati rahi apna atae Masoom(a)


Haq ne Jin Chaand-Sitaro ki Qasam Khaai hai
Wo bhi Sau(100)jaan Se Hoti hai Fidaae Masoom(a)


Jisko ALLAH ne Bakhsha ho Taharat ka lebaas
Aesa Payda na hua Koi Sewaa e Masoom(a)


Zinda rahna Hai To Marne Ka saliqa sikho
Krbala se Yahi aati hai Sadae Masoom(a)


Apne Chehre Pe liye Gard e nadamat Laute
Dhoondhne Nikle Thay Jo Loog Khatae MASOOM(a.s)


Khud Ba khud Hat-ti Rahi Rooe munafiq se naqaab
kaam karti rahi kuch ayesa hawae Masoom(a)


(Jb.Qamar Jaunpuri)
---------------------------------------------------


SALAAM
tanweer e MUSTAFA_s.a hai sarapa HUSSAIN_a.s ka
Aaeina e amal hai Qareena Hussain(a)ka


Sar deke Haq ki raah mein Deen ko Bachaliya
Ehsaan momino pe hai Kitna Hussain(a)ka


Alfaaz ab bhi Goonj Rahe hain Jahaan Mein
akbar ki ho azaan ke Khutba Hussain(a)ka


Me'yaar e Haq shanasi hai duniya ke Waaste
Qurbaniyo ki raah mein Jazba Hussain(a)ka


SAJJAD(a) ne Palat diya Nazme Yazidiyat
Islaam Padh Raha Hai Wazifa Hussain(a)ka
------------------------------------------------


Qasim(a) se ab jo fauje sitam gar ki jang hai
Shaagird e ibn e Haider e Safdar ki jung hai
Din ruk ke dekhta hai ke Mahshar ki jung hai
Maidaan e karbala hai ke Khaibar ki jung hai
arzaq jo jal ke Marhab e badkaar ban gaya
Beta HASSAN_a ka Haider e Karrar_a.s Ban gaya.
--------------------------------------------------


AUN O MOHAMMAD(a)
*
Hai deen ke Gulshan ki Baqa Aun o mohammad
Har phool ke Khushbu Ka Pata Aun o mohammad


Karbal ke Hawao'n ne Liya fikr Ke bosey
Jab Madhh Ka Unwaan bana Aun o Mohammad


Sajde Ka nishaa'n Ban gay Alfaaz Simat Ke
Kaghaz Pe Junhi Main ne likha aun O Mohammad


sar Zulm E Kat-te Rahe Chalti Rahi Talwaar
Lete Rahe ZAINAB(sa)ki Dua aun o Mohammad


Zainab(s)ne Kaha tumpe Ye Maa hoti hai Qurbaan
Tum hogaye Mamu pa Feda aun O Mohammad


Beto'n ke Janazo pe Yahi Kehti thi'n zainab(s)
Karti Hai Ye maa Shukr e Khuda,aun o Mohammad
--------------
*
Zainab(s.a)ki Jalalat bhi hain,Shabbir(a)Nazar bhi
sar taba Qadab dono Dua Bhi Hain asar Bhi.


dil pooch raha hai mera Yusuf(a)ki Nazar se
Is Shaan ke Dekhe hain kahi Laal o Gohar bhi


Nazuk Hain Bahot Aun O MOhammad Ke Farayez
Asghar(a)Ke Muhafiz bhi hain,Akbar(a)ki Sipar bhi


Do Chand Chamakte hain Shuja'at Ke afaq par
Hayrat mein Hai doobi hui suraj ki Nazar Bhi


Bhule nahi Iss Pyaas mein bhi Maan Ki Nasihat
Uthti nahi Darya ki Taraf Inki Nazar Bhi


Talwar Chalate Hain Magar Soonch Samajh Kar
hai Jung Mein SHABBIR(a)ke Maqsad pa Nazar bhi


Zainab(s)si koi Maa Nazar aai Na Dobara
Dekhe Nahi Phir aun o Mohammad Se Pesar Bhi